आजः १९ मंसिर २०७८, आईतवार

नोबेल शान्ति पुरस्कार रुस र फिलिपिन्सका दुई पत्रकारलाई संयुक्तरुपमा दिइने

स्टकोहम । रुस र फिलिपिन्सका दुई पत्रकारलाई यसवर्षको नोबेल शान्ति पुरस्कार प्रदान गरिने भएको छ । अभिव्यक्ति स्वतन्त्रताको पक्षमा कलम चलाएर सरकारमाथि दबाब सिर्जना गर्र्दै आएका उनीहरुलाई पुरस्कार दिने निर्णय नोबेल समितिले गरेको हो ।

ती दुई मुलुकमा अभिव्यक्ति स्वतन्त्रताको रक्षाका लागि साहसिक लडाइ लडेबापत फिलिपिन्सकी मारिया रेसा र रुसका दिमित्री मुरातोभलाई प्रदान गर्ने निर्णय भएको हो ।

‘लोकतन्त्र र दिगो शान्तिका लागि आवश्यक अभिव्यक्ति स्वतन्त्रताको रक्षा गर्न उनीहरुले योगदान दिएबापत नोबेल शान्ति पुरस्कार दिने निर्णय भएको छ’ नोबेल समितिले भनेको छ ।

‘प्रेस स्वतन्त्रता संकटमा परेको बेला लोकतन्त्र र अभिव्यक्ति स्वतन्त्रताको पक्षमा उभिने पत्रकारहरुको प्रतिनिधित्व उनीहरुले गर्नेछन्’ नर्वेली नोबेल समितिकी अध्यक्ष बेरित रेइस एन्डर्सनले भनेकी छिन् ।

फिलिपिन्सकी ५८ वर्षिया रेसा खोजमूलक पत्रकारिता अध्ययन गर्ने संस्था ¥यापलरकी संस्थापक समेत हुन् । ५९ वर्षिय मुरातोभ कठिन अवस्थाको बीचमा पनि एकदशकदेखि रुसमा अभिव्यक्ति स्वतन्त्रताको पक्षमा काम गर्ने पत्रकार हुन् ।